Myndarsögur

Persónuvernd

Gildir um Myndarsögur fyrir Android, iPhone og iPad og um myndarsogur.is. Uppfært 20. október 2026.

Lestur og hlustun

Appið sækir efni frá myndarsogur.is og þeim miðlaþjónum sem hýsa það. Upplýsingar um hlaðvarp og hljóðskrár geta komið frá Spotify for Podcasters / Anchor og tengdum miðlaþjónum. Við tengingu fá þjónarnir tæknilegar upplýsingar, til dæmis IP-tölu, upplýsingar um beiðnina og tæki eða vafra. Hýsingaraðilar geta geymt þær í aðgangs- og öryggisannálum.

Lesstaða, hlustunarstaða, val og afrit af opinberu efni eru geymd á tækinu. Hlaðvarpið getur haldið áfram í bakgrunni; appið tekur ekki upp hljóð við hlustun. Það notar ekki auglýsingaauðkenni eða innbyggt auglýsinga- eða greiningarsafn. Þetta er ekki fullyrðing um að allir ytri vefir eða miðlaþjónar séu án eigin gagnavinnslu.

Líf auðkenni og Teikna og lesa

Félagasamtökin Myndarsögur reka Myndarsögur og Líf auðkenni. Ef þú tengir auðkenni vinnur þjónustan með birtingarnafn, ógegnsætt auðkennisnúmer og innskráningarsessu. Netfang er valfrjálst við stofnun auðkennis, en staðfest netfang þarf til að senda teikningu í lestraleitinni og fá svar. Innskráningarorðin eru ekki opinber höfundarupplýsing.

Teikning í vinnslu er vistuð á tækinu. Þegar þú velur „Senda teikningu í yfirferð“ berast myndin, tenging við auðkennið, bókarval og nauðsynlegar upplýsingar um innsendinguna til þjónustu okkar. Umsjón skoðar myndina handvirkt. Við notum staðfest netfang til að senda svar og upplýsingar um opnun bókar og límmiða.

Samþykki teikningar gerir hana ekki opinbera. Bókamerkið og þín teikning verða að límmiðum í einkasafninu; opinber deiling eða frekari sending er sérstök aðgerð sem þú velur. Ekki senda persónuupplýsingar annarra í myndinni.

Þegar auðkenni er tengt geta studd safngögn og framvinda samstillst milli tækja. Samstilling og innskráning þurfa netsamband. Eyðing appsins fjarlægir ekki sjálfkrafa auðkenni eða gögn sem þú hefur þegar sent á þjóninn. Nánari upplýsingar um auðkenni, póstleiðir, samstillingu og varðveislu eru í persónuvernd Líf.

Innsendingar og aðrir vefir

Ef þú velur að senda sögu eða efni til Myndarsagna, skrá þig á námskeið eða panta prentað efni vinnum við með þær upplýsingar sem þú sjálf/ur gefur upp vegna þeirrar aðgerðar, til dæmis nafn, netfang, viðhengi og skilaboð. Þau eru notuð til að svara, yfirfara efnið eða afgreiða erindið. Opinber birting efnis er aðskilin frá einkasendingu til yfirferðar.

Tenglar á síður höfunda, dreifðar bókaútgáfur, samfélagsmiðla og aðrar ytri þjónustur opna efni sem fylgir eigin persónuverndarreglum. Þegar þú biður um deilingu eða sendingu skráar fær viðtakandinn þau gögn sem þú velur að afhenda.

Vefurinn og tæknileg gögn

Vefurinn notar teljara frá líf.is. Hann notar ekki vafrakökur og tengir ekki talningu við Líf auðkenni. Samantektir eru geymdar eftir síðu, tíma og skjástærðarflokki. Tímabundnir dulnefndir lyklar úr tengiupplýsingum styðja áætlun um gestafjölda; hráar IP-tölur eru ekki geymdar í teljaragagnagrunninum. Teljarinn er óvirkur fyrir studda innbyggða vafra sem auðkenna sig sem Líf-appið. Þetta stöðvar ekki nauðsynlega annála hýsingaraðila.

Vafrageymsla, innskráningarsessur og tæknilegar heimildir styðja lestur, teiknivistun og þær aðgerðir sem þú velur. Við gefum ekki upp óstaðfestan hámarksgeymslutíma fyrir aðgangs- og öryggisannála hýsingaraðila. Persónuvernd Líf lýsir nánar hýsingu, varðveislu, tilgangi vinnslu og þeim þjónustum sem tengjast auðkenninu.

Eyðing og samband

Þú getur eytt Líf auðkenni í auðkennisstillingum appsins eða farið í leiðbeiningar um eyðingu auðkennis og einkasafns. Til að óska sérstaklega eftir aðgangi að gögnum, leiðréttingu eða eyðingu innsendingar má senda beiðni á heyrumst@myndarsogur.is. Þú þarft ekki að setja appið upp aftur til að senda slíka beiðni. Ekki senda innskráningarorðin þín.

Forráðamaður getur haft samband vegna gagna barns. Við gætum þurft að staðfesta tengsl við gögn áður en þau eru afhent eða fjarlægð. Gögn sem þú velur að senda stuðningi eru notuð til að svara þér og sinna því máli. Þú getur einnig leitað til Persónuverndar.

Ábyrgðaraðili: Félagasamtökin Myndarsögur · heyrumst@myndarsogur.is.